У Магілёве мужчына забіў 22-гадовую жонку і спрабаваў пакончыць з сабой
У Магілёве 2 жніўня мужчына забіў жонку і спрабаваў пакончыць з сабой.
Маці загінулай не магла датэлефанавацца да дачкі і прыехала ў кватэру маладой сям'і, распавяла TUT.BY афіцыйны прадстаўнік Следчага камітэта па Магілёўскай вобласці Аксана Салянюк.
Пераступіўшы парог кватэры, жанчына ўбачыла скрываўлены труп дачкі. Зяць, сцякаючы крывёй, абдымаў цела жонкі і паўтараў, што жыць без яе не зможа. Мужчыну забралі ў бальніцу, дзе ён перанёс аперацыю.
«Мяркуюць, што паміж мужам і жонкай адбылася сварка, падчас якой мужчына схапіў нож і нанёс 22-гадовай жанчыне некалькі ўдараў нажом.
Пасля гэтага ён спрабаваў пакончыць з жыццём: перарэзаў сабе вены, пашкодзіў трахею», — распавяла Аксана Салянюк.
28-гадовы магілёвец знаходзіцца ў шпіталі пад канвоем. У дачыненні да яго заведзена крымінальная справа. Мужчыну падазраюць у забойстве, здзейсненым з асаблівай жорсткасцю.
Цяпер чытаюць
Турэцкі лаўрэат прэміі Чэчкі быў у захапленні ад Беларусі і рэжыму ў ёй. А пасля трапіў на Акрэсціна9
Каментары