Другое паражэнне запар пацярпела мінскае «Дынама» ў чэмпіянаце КХЛ. 8 верасня ў Санкт-Пецярбургу каманда Любаміра Покавіча прайграла мясцоваму СКА з лікам 2:5 (1:1, 1:2, 0:2).
У «Дынама» шайбы закінулі Артур Гаўрус (16.01, у большасці, пас — Аляксей Калюжны), Дзмітрый Мялешка (35.52, Аляксандр Кулакоў).
Трэба адзначыць, што ў складзе «Дынама» ўпершыню вызначыліся айчынныя хакеісты: у двух стартавых паядынках закідвалі і аддавалі галявыя перадачы выключна легіянеры.
Пасля трох гульняў «Дынама» з 2 ачкамі займае дзявятае месца ў Заходняй канферэнцыі, атрымаўшы 1 перамогу ў авертайме і пацярпеўшы 2 паражэнні ў асноўны час (розніца шайб 9-13).
Бамбардзіры па сістэме «гол+пас»: Чычу — 7 (4+3), Лінгле, Элісан — па 3 (1+2), Веске — 2 (0+2), Гаўрус, Мялешка, Шчахура — па 1 (1+0), Калюжны, Кулакоў — по 1 (0+1).
Наступныя чатыры матчы «Дынама» правядзе дома: 12 верасня — з «Атлантам» (Мыцішчы), 14-га — з ЦСКА (Масква), 18-га — з «Северсталлю» (Чарапавец), 20-га — з «Тарпеда» (Ніжні Ноўгарад).
Цяпер чытаюць
Архітэктар назваў тое, што зрабілі ў Нясвіжы, «карным добраўпарадкаваннем»1
Каментары