Міністр інфармацыі: Ідэалогія — наша штодзённае жыццё, яна паўсюль
Пра гэта міністр інфармацыі Лілія Ананіч заявіла сёння на пасяджэнні адміністрацыі Ленінскага раёна, дзе ішла размова пра стан ідэалагічнай работы з насельніцтвам па месцы жыхарства, вучобы, працы і шляхах яе ўдасканалення.
«Ідэалогія — самае важнае пытанне, якое павінна абмяркоўвацца ў кожным працоўным калектыве, кожным кіраўніком. І не раз у два гады, а стала быць у полі зроку, — сказала Л. Ананіч.
— Бо ідэалогія — гэта наша штодзённае жыццё. Яно паўсюль — у краме, на спажывецкай паліцы, у бібліятэцы, куды прыходзіць дзіця, на прадпрыемстве, дзе мы атрымліваем заробак.
У нас цудоўная краіна, прыгожая моладзь і старыя, якія гэтым ганарацца. Але нам, ідэолагам, варта яшчэ больш увагі надаваць патрыятычнаму выхаванню моладзі.
Трэба, каб каля музея Вялікай Айчыннай вайны, напрыклад, стаяла чарга аўтобусаў з усіх куткоў Беларусі: вёсак, пасёлкаў, гарадоў. Каб яго наведвалі і школьнікі, і працоўныя калектывы прадпрыемстваў, у тым ліку мінскіх, запатрабавала Ананіч.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары