Еўрапарламент заклікаў краіны ЕС разгледзець магчымасць выключэння Расеі з сістэмы SWIFT. Адпаведная рэзалюцыя была ўхвалена на пленарным пасяджэнні органа, паведамляе РІА «Навіны».
Гэта пастанова не з'яўляецца абавязковай да выканання, фінальнае рашэнне прымаюць дзяржавы ЕС і Еўракамісія.
Увядзенне абмежаванняў у дачыненні да выкарыстання Расіяй сістэмы SWIFT стала абмяркоўвацца ў ЕС у апошнія дні ў сувязі з наступам баевікоў «ДНР» і «ЛНР» ва Украіне, у прамой падтрымцы якога абвінавачваецца расейская армія.
SWIFT — супольнасць сусветных міжбанкаўскіх тэлекамунікацый, забяспечвае перадачу 1,8 мільярда паведамленняў у год, за дзень праз сетку праходзяць аплатныя даручэнні больш чым на 6 трыльёнаў долараў, у ёй удзельнічаюць больш за 10 тысяч фінансавых арганізацый у 210 краінах. Па статуце SWIFT, у кожнай краіне супольнасці ствараюцца група членаў і група карыстальнікаў.
Сістэма SWIFT базуецца ў Брусэлі і рэгулюецца законамі Бельгіі, з прычыны чаго абавязана прытрымлівацца рашэнняў ЕС. У сакавіку 2012 года ЕС беспрэцэдэнтна уключыў абмежаванне доступу да SWIFT ў пакет санкцый супраць Ірана, забараніўшы правайдару фінансавых тэлекамунікацый абслугоўваць банкі краіны.
Выключэнне з гэтай сістэмы адсякае фінансавую сістэму краіны ад сусветнай.
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно12
Каментары