На вучэннях «Усход-2014» ва Усходняй вайсковай акрузе РФ (УВА) упершыню праведзеныя вучэбна-баявыя пускі ракет аператыўна-тактычнага комплексу «Іскандэр-М».
Пра гэта паведаміў начальнік Ракетных войскаў і артылерыі Сухапутных войскаў генерал-маёр Міхаіл Матвіеўскі, піша Інтэрфакс.
«Сапраўды, ракетны комплекс «Іскандэр-М»упершыню ў гісторыі акругі ўдзельнічае ў такіх буйнамаштабных вучэннях з баявымі пускамі ракет», - паведаміў Матвіеўскі.
Як адзначаецца, аператыўна-тактычны комплекс «Іскандэр» мае высокую мабільнасць і манеўранасць, прыводзіцца ў баявую гатоўнасць за 20 хвілін і паражае цэлі на адлегласці некалькіх сотняў кіламетраў з дакладнасцю да 30 сантыметраў.
Ён прызначаны для паражэння баявымі часткамі ў звычайным абсталяванні малапамерных і вулічных цэляў у глыбіні аператыўнай пабудовы войскаў праціўніка. Мяркуецца, што можа быць сродкам дастаўкі тактычнай ядзернай зброі.
Стратэгічныя камандна-штабныя вучэнні «Усход-2014» стартаваў 19 верасня і працягнуцца да 25 чысла.
Яны праходзяць на больш чым 20 сухапутных, марскіх і авіяцыйных палігонах Усходняй вайсковай акругі, ад Анадыра да Уладзівастока.
Усяго ў вучэннях бяруць удзел каля 100 тысяч вайскоўцаў, да 1500 танкаў, да 120 самалётаў, да 5000 адзінак ўзбраення, вайсковай і спецыяльнай тэхнікі, да 70 караблёў.
Каментары