У бліжэйшы час будуць распрацаваны прапановы па разгрузцы настаўнікаў ад лішняй работы, паведаміў віцэ-прэм'ер Беларусі Анатоль Тозік.
«Заканчвае работу група па комплексным вывучэнні стану спраў у сістэме адукацыі. Абмяркоўвалася ў тым ліку праблема па перагрузцы настаўнікаў непатрэбнымі функцыямі. У бліжэйшы час мы вызначымся, якую дакументацыю і толькі павінен весці настаўнік, якую — класны кіраўнік і адміністрацыя школы. Функцыі, якія не павінен выконваць настаўнік, павінны выконваць адпаведныя дзяржаўныя органы. Калі кожны пачне займацца сваёй справай, будзе парадак», — сказаў віцэ-прэм'ер.
Адказваючы на пытанне аб распрацоўцы сістэмы мер па выкараненні ўтрыманства і дармаедства, Анатоль Тозік адзначыў, што гэта тэма патрабуе вельмі дасканалага вывучэння.
«Учора на нарадзе ў прэзідэнта пытанне было акрэслена прынцыпова: мы павінны максімальную колькасць людзей уцягнуць, як казалі раней, у грамадска карысную працу. Ніхто не павінен карыстацца дабротамі за кошт іншых, таму што дзяржаўны бюджэт не бяздонны — колькі мы туды насыплем, столькі адтуль і высыплем. І, калі чалавек па сваім фізічным стане можа працаваць, ён павінен працаваць, ніхто за яго напаўняць дзяржбюджэт не будзе», — падкрэсліў намеснік прэм'ер-міністра.
Крытэрыі, па якіх грамадзяне будуць трапляць у катэгорыю «дармаед», пакуль не распрацаваны.
«Прэзідэнт паставіў задачу да канца года разабрацца і стварыць механізм, пры якім усе працаздольныя людзі прымалі б удзел у стварэнні матэрыяльных даброт і ў будаўніцтве нашай роднай дзяржавы», — дадаў Анатоль Тозік.
-
У Варшаве змяніўся адрас, дзе можна падаць заяву на міжнародную абарону
-
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
-
«Нашых дзяцей з дзяцінства прывучалі да трансгендарных лялек». Шпілеўская знайшла карысць ад заходніх санкцый
Цяпер чытаюць
Чаму паліграф — не панацэя. Колькі агентаў ён бы выявіў у Каардынацыйнай радзе?22
Каментары