Уплыў Рэспубліканскай партыі ЗША, якая выступае за больш актыўную вайскова-тэхнічную падтрымку Украіны і за больш жорсткія санкцыі супраць Расіі, вырас пасля перамогі на выбарах у Сенат на гэтым тыдні, пішуць палітычныя аглядальнікі і аналітыкі амерыканскіх СМІ.
«Ястрабы» Рэспубліканскай партыі ўжо абмяркоўваюць, якім чынам надаць больш актыўнасці знешняй палітыке краіны пасля іх перамогі на апошніх выбарах у Сенат, піша сайт thedailybeast.com.
Pэспубліканцы ўпершыню з 2006 года вярнулі сабе кантроль над вышэйшай палатай парламента краіны, прычым адзін з галоўных крытыкаў прэзідэнта Барака Абамы сенатар Джон МакКейн стане кіраўніком магутнага Камітэта па справах узброеных сіл.
Былы ветэран вайны ў В'етнаме, які прайграў Абаме прэзідэнцкія выбары 2008 года, у прыватнасці, выступаў за іншую палітыку ў адносінах да змагання з ісламістамі і значна больш рашучыя дзеянні ў адказ на расейскую агрэсію супраць Украіны, пішуць журналісты Reuters.
Адначасова Камітэт па справах узброеных сіл можа кантраляваць тое, што Пентагон робіць з бюджэтнамі сродкамі, і ўплывае на іх размеркаванне. Адначасова рэспубліканцы паставяць пад свой кантроль камітэты па знешняй палітыцы (сенатар Боб Коркер) і выведцы (сенатар Рычард Бар).
«Бар, Коркер і я будзем шчыльна супрацоўнічаць па ўсіх пытаннях. Напрыклад, адносна зброі для Украіны», — сказаў МакКейн журналістам на гэтым тыдні.
Раней ён адзначаў, што адмова заходніх краін дапамагчы Украіне зброяй ёсць «ганебнай», а санкцыі супраць Расіі павінны быць куды больш моцнымі.
«Мы павінны ўвесці больш жорскія санкцыі, мы павінны даць украінцам вайсковы рыштунак, дадзеныя выведкі, арганізаваць праграму вайсковай падрыхтоўкі», — казаў МакКейн, паведамляе cnbc.com.
Цяпер чытаюць
«Ты яшчэ не стамілася?» Апублікавалі перапіску Мельнікавай, дзе ёй пагражалі9
Каментары