У якасці магчымага рэктара ЕГУ абмяркоўваецца кандыдатура Мілінкевіча
«Я таксама ў інтэрнэце пра гэта прачытаў. Але пакуль заўчасна абмяркоўваць, даваць інтэрв’ю. Я ведаю, што абмяркоўваюцца розныя кандыдатуры. З Беларусі, не з Беларусі, амерыканскія грамадзяне, літоўскія, беларускія. Рашэнняў пакуль ніякіх няма», — сказаў Аляксандр Мілінкевіч.
У спісе кваліфікацыйных патрабаванняў да будучага рэктара ЕГУ значацца: доктарская ступень або яе эквівалент, лідарскія якасці, здольнасць да пераўтварэнняў, вопыт працы на кіраўнічай пасадзе вышэйшага звяна ва ўніверсітэце, прадпрымальнасць, бездакорная сумленнасць, энергічнасць, жыццярадаснасць і фінансавая праніклівасць. І здаецца, што Аляксандр Мілінкевіч падыходзіць амаль па ўсіх пунктах — чатыры гады загадваў кафедрай універсітэта ў Алжыры, восем гадоў быў дацэнтам Гродзенскага універсітэта, кандыдат фізіка-матэматычных навук, стажыраваўся ў Францыі, ЗША, Германіі. Адказваючы на прамое пытанне аб жаданні ці нежаданні стаць рэктарам ЕГУ Аляксандр Мілінкевіч не хавае, што тэма вышэйшай адукацыі для яго далёка не чужая.
«Ведаеце, гэта надзвычай складанае пытанне і мне не хацелася б яго цяпер абмяркоўваць, пакуль няма ніякай канкрэтыкі. Разважаць, гэта не вельмі… Вядома, я чалавек, які 25 гадоў працаваў у вышэйшай адукацыі, ва універсітэце. І вельмі цаню Еўрапейскі гуманітарны універсітэт, хачу, каб гэты праект і далей развіваўся, павярнуўся да Беларусі», — гаворыць палітык і грамадскі дзеяч.
Прадстаўніца студэнтаў у Сенаце ЕГУ Марыя Сляпцова расказвае, што чуткі аб магчымым прызначэнні Мілінкевіча на пасаду рэктара па ўніверсітэце ходзяць.
Марыя кажа, што больш актыўныя студэнты, вядома, кандыдатуру будучага рэктара абмяркоўваюць і хацелі б бачыць на гэтай пасадзе беларуса.
«Студэнты, вядома, больш сканцэнтраваныя на вучобе і іх не вельмі хвалююць пытанні пераменаў у адміністрацыі. З іншага боку, больш актыўныя студэнты, з якімі я размаўляю, кажуць, што больш хацелася б беларускага рэктара».
Прыём заявак на пасаду рэктара ЕГУ завяршаецца 21 лістапада. Новы рэктар павінен пачаць працу на пасадзе з пачаткам 2015 года
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары