Хлопцы прадавалі наркотыкі не толькі ў родным горадзе, але і ў Маскве.
Як паведамілі ў аддзеле інфармацыі УУС Мінаблвыканкама, у Барысаве затрыманы чацвёра маладых людзей, якія падазраюцца ў арганізацыі паставак спайсу ў рэгіён, а таксама сеткі распаўсюду наркотыкаў у Маскве. У іх канфіскаваны наркотыкі амаль на 1,8 мільёна долараў.
Некалькі тыдняў таму ў поле зроку супрацоўнікаў аддзела па наркакантролю і процідзеянню гандлю людзьмі Барысаўскага РУУС трапілі трое беспрацоўных, 1992 і 1991 гадоў нараджэння. Па аператыўнай інфармацыі, маладыя людзі зараблялі дробнааптовым продажам спайсу. Пры падтрымцы байцоў «Алмаза» хлопцаў затрымалі. Праз некалькі дзён затрымалі і яшчэ аднаго 19-гадовага барысаўца.
Падчас ператрусаў у схованках былі выяўлены некалькі буйных партый нарнкотыкаў: 10 кілаграмаў ўжо гатовага да ўжывання спайсу, а таксама амаль 9 кілаграмаў чыстага рэагенту (з рэагенту атрымліваецца у 10-15 разоў больш наркотыку).
Паводле папярэдняй інфармацыі, маладыя людзі арганізавалі ў Барысаве і Барысаўскім раёне дробнааптовую продаж спайсу, якую яны ажыццяўлялі праз закладкі ў схованках. Акрамя таго, аператыўнікі мяркуюць, што затрыманыя наладзілі сетку па продажы наркотыкаў у Маскве. Па інфармацыі беларускіх праваахоўнікаў супрацоўнікі Федэральнай службы па кантролю за абаротам наркотыкаў канфіскавалі ў расійскай сталіцы яшчэ 6,5 кг спайсу, які належыць барысаўскім хлопцам.
Агульная колькасць канфіскаванага наркотыку дазволіла вывесці з наркаабароту больш за 150 тысяч разавых доз спайсу на суму каля 1,8 мільёна даляраў.
Заведзены шэраг крымінальных спраў.
Цяпер чытаюць
Коўл: Мы абмеркавалі магчымую паездку Лукашэнкі ў ЗША11
Каментары