«Мы больш ня ёсьць грамадзянамі ЗША, і ўсе, хто жыве ў зоне пяці плямёнаў, якая ўяўляе сабой тэрыторыю нашай краіны, могуць свабодна прыяднацца да нас»
Індзейцы амэрыканскага племя лакота ў аднабаковым парадку разарвалі ўсе дамовы, укладзеныя з урадам ЗША, перадае агенцтва Франс‑Прэс з спасылкай на прадстаўнікоў племя.
Згодна з паведамленьнямі, разьмешчанымі на інтэрнэт‑сайце руху за свабоду амэрыканскіх індзейцаў, дамовы, некаторыя зь якіх былі ўкладзеныя ў урадам ЗША 150 гадоў таму, «пастаянна парушаліся з боку ЗША» і такім чынам ўяўляюць сабой нішто іншае, як «пустыя словы на таннай паперы».
«Мы больш ня ёсьць грамадзянамі ЗША, і ўсе, хто жыве ў зоне пяці плямёнаў, якая ўяўляе сабой тэрыторыю нашай краіны, могуць свабодна прыяднацца да нас», — цытуе агенцтва актывіста ў барацьбе за правы індзейцаў Расэл Мінз (Russell Means).
У новай краіне будзе дзейнічаць уласная сыстэма пашпартоў і кіроўскіх правоў, будзе адмененае падаткаабкладаньне.
Паводле словаў Мінза, племя разарвала дамовы выключна на законных падставах.
«(Гэта зроблена) ў адпаведнасьці з законамі, прынятымі ў рамках Вэнскай канвэнцыі 1980 году. Мы законна карыстаемся нашым правам на свабоду й незалежнасьць», — заявіў Мінз.
Агенцтва прыводзіць словы аднаго з арганізатараў жэнеўскай канфэрэнцыі па правах індзейцаў 1997 году Філінг Янг (Phyllis Young):
«У нас ёсьць 33 дамовы, якіх не пільнуюцца ЗША. Яны працягваюць забіраць у нас зямлю, ваду, дзяцей».
 |
Тэрыторыя расьсяленьня індзейцаў лакота, якія ўваходзяць у групу індзейскіх плямёнаў сіву, праходзіць па штатах Нэбраска, Паўднёвая Дакота, Паўночная Дакота, Мантана й Ваёмінг.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары