У бліжэйшыя суткі, 22 лістапада, умовы надвор'я ў заходніх і цэнтральных раёнах будзе вызначаць атмасферны фронт, на ўсходзе захаваецца ўплыў антыцыклону. Чакаецца воблачна з праясненнямі. У заходніх і цэнтральных раёнах краіны кароткачасовы снег, мокры снег, на дарогах захаваецца галалёдзіца, месцамі галалёд. Ноччу і раніцай па ўсходзе слабы туман, шэрань.
Вецер паўднёвы слабы да ўмеранага. Тэмпература паветра мінімальная ноччу 0..- 6°C, па ўсходзе пры праясненнях да -9°C,
максімальная днём -3.. + 2°C. Атмасферны ціск істотна не зменіцца.
23 лістапада ўмовы надвор'я будзе вызначаць у асноўным маларухомы атмасферны фронт, які траціць сваю актыўнасць на фоне росту атмасфернага ціску. У заходніх і цэнтральных раёнах рэспублікі месцамі пройдзе кароткачасовы снег, мокры снег. У асобных раёнах чакаецца туман, шэрань, на дарогах захаваецца галалёдзіца.
Тэмпература паветра ўначы -1..- 7°C, па ўсходзе пры праясненнях да -9°C; днём -3.. + 2°C.
24 лістапада Беларусь трапіць пад уплыў халоднага антыцыклону, што перамяшчаецца з верхняй Волгі на сярэдняе Паволжа. Істотных ападкаў не чакаецца. Ноччу і раніцай месцамі слабы туман, шэрань, на дарогах захаваецца галалёдзіца.
Тэмпература паветра ўначы -3..- 10°C, днём -4..+ 1°C.
Цяпер чытаюць
Турэцкі лаўрэат прэміі Чэчкі быў у захапленні ад Беларусі і рэжыму ў ёй. А пасля трапіў на Акрэсціна9
Каментары