Галоўную футбольную індывідуальную ўзнагароду года — «Залаты мяч — 2014» — атрымлівае форвард «Рэала» і зборнай Партугаліі Крыштыяну Раналду.
Такое рашэнне было прынята сёння ў Цюрыху.
Крыштыяну Раналду быў уладальнікам «Залатога мяча» год назад (за 2013-ы), а ў 2008 г. — «Залатога мяча» паводле версіі France Football.
У 2014-м «Рэал» разам са сваім лідарам выйграў Лігу чэмпіёнаў і Кубак Іспаніі, Суперкубак УЕФА і клубны чэмпіянат свету. Усяго ў каляндарным годзе за клуб і зборную партугалец правёў 62 гульні і забіў 61 гол.
Сёлета КР процістаялі форвард «Барселоны» і зборнай Аргенціны Ліянель Месі і галкіпер «Баварыі» і зборнай Германіі Мануэль Ноер.
***
«Залаты мяч» - сумесная ўзнагарода ФІФА і France Football. У такім фармаце прэмія існуе з 2010 года, калі былі аб'яднаны «Залаты мяч» France Football і «Гулец года ФІФА». У вызначэнні найлепшага гульца года прымаюць удзел галоўныя трэнеры і капітаны зборных, а таксама журналісты ўсяго свету.
Цяпер чытаюць
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары