Беларус разагнаўся амаль да 120 км/г, аўто не ўпісалася ў паварот, пратараніла мэталічны адбойнік і бэтонную агароджу, вылецела з эстакады і звалілася з 5‑мэтровай вышыні.
На Каляды, уначы з панядзелка на аўторак, легкавая машына «Фіат» зь дзяржунамарам Беларусі звалілася з эстакады, якая злучае Наддніпранскую шашу з Паўднёвым мостам у Кіеве
Беларус перад сутыкненьнем разагнаўся амаль да 120 км/г. Потым аўто не ўпісалася ў паварот, пратараніла мэталічны адбойнік і бэтонную агароджу. Машына вылецела з эстакады перад Паўднёвым мостам. Падала з 5‑мэтровай вышыні маторным адсекам долу. «Фіат» загарэўся адразу пасьля сутыкненьня. Рухавік разарвала на кавалкі, а аўтамабіль гэтак спляжыла, што немагчыма пазнаць марку.
Кіроўца цудам выжыў. Лекараў і ратавальнікаў выклікалі сьведкі аварыі. Яны ж аднесьлі мужчыну на бясьпечную адлегласьць ад месца падзеньня.
Беларус прабыў у аддзяленьні політраўмы паўдня. Пасьля абеду ў аўторак ён выпісаўся. У мужчыны чэрапна‑мазгавая траўма, пашкоджаныя грудзі й жывот. Наш суайчыньнік мае гомельскую рэгістрацыю, але жыве ў Кіеве.
«Кіроўца перавысіў хуткасьць і кіраваў машынай у стане алькагольнага ап’яненьня», — кажуць у прэсавай службе упраўленьня ДАІ Кіева.
Варта адзначыць, што машыны з гэтай эстакады зьлятаюць ня ў першы раз.
 |
 |
 |
 |
 |
 |
 |
Цяпер чытаюць
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку30
Каментары