Мэтавы арыенцір інфляцыі ў 2015 годзе вызначаны на ўзроўні 18% з дапушчальным адхіленнем у 2%, паведамляе ўпраўленне інфармацыі і грамадскіх сувязяў Нацыянальнага банка паводле вынікаў праведзенага 30 студзеня ў Мінску пашыранага пасяджэння праўлення цэнтральнага банка краіны.
Нагадаем, асноўнымі кірункамі грашова-крэдытнай палітыкі Беларусі на 2015 год прырост цэн быў прадугледжаны не больш як 12%.
«Асноўнай мэтай грашова-крэдытнай палітыкі Нацыянальнага банка ў 2015 годзе з'яўляецца абмежаванне інфляцыі для садзейнічання ўстойліваму і збалансаванаму развіццю эканомікі. Паводле вынікаў мінулага года гэты паказчык значна перавысіў прагнозны параметр і склаў 16,2%», — паведамляе прэс-служба Нацбанка.
Узровень інфляцыі ў 2015 годзе, заяўляе рэгулятар, будзе дасягацца шляхам кантролю над грашовай прапановай з боку Нацыянальнага банка. Для гэтага будзе ажыццёўлены пераход да рэжыму манетарнага таргетавання. Пры гэтым у якасці прамежкавага арыенціра грашова-крэдытнай палітыкі вызначаецца прырост сярэдняй шырокай грашовай масы на ўзроўні не больш як 30% за 2015 год. У якасці аперацыйнага арыенціра грашова-крэдытнай палітыкі вызначаны прырост сярэдняй рублёвай грашовай базы.
Мэтавыя параметры прыросту сярэдняй рублёвай грашовай базы і сярэдняй шырокай грашовай масы будуць дасягацца з выкарыстаннем інструментаў грашова-крэдытнай палітыкі. Будуць адноўленыя рэгулярныя аўкцыёны на адкрытым рынку, паведамляе прэс-служба Нацбанка.
Цяпер чытаюць
Беларусь чакае новая хваля савецкіх людзей з Латвіі і Эстоніі11
Беларусь чакае новая хваля савецкіх людзей з Латвіі і Эстоніі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары