НАТА мае намер узмацніць сваю прысутнасць на ўсходзе. Пра гэта ў чацвер, 5 лютага, заявіў генеральны сакратар НАТА Енс Столтэнберг на сустрэчы ў Бруселі.
Кантынгент Паўночнаатлантычнага альянсу будзе павялічаны да 30 тысяч чалавек, у тым ліку на 5 тысяч сіламі неадкладнага рэагавання.
Расшыфроўка яго брыфінгу апублікавана на сайце арганізацыі.
«Гэта з'яўляецца рэакцыяй на агрэсіўныя дзеянні Расіі, якая парушае міжнародныя правы, я маю на ўвазе анексію Крыма, і хачу падкрэсліць, што мы гэта робім таму, што нам неабходна адаптаваць нашы сілы, прымаючы пад увагу зменлівы свет»? — заявіў Столтэнберг.
Генеральны сакратар НАТА таксама распавёў, што гэтая тэма будзе закранута падчас сустрэчы з міністрам замежных спраў Расіі Сяргеем Лаўровым.
Енс Столтэнберг адзначыў, што Паўночнаатлантычны альянс спыніў большую частку кантактаў з Расіяй пасля крымскага крызісу, аднак «застаўся канал для палітычнага ўзаемадзеяння».
Акрамя таго, Столтэнберг заявіў, што «Расія нясе адказнасць за парушэнне тэрытарыяльнай цэласнасці Украіны».
«Мы заклікаем Расію спыніць падтрымку сепаратыстаў і выконваць мінскія дамоўленасці, а таксама выкарыстоўваць увесь свой уплыў на сепаратыстаў, каб тыя выконвалі рэжым спынення агню», — сказаў старшыня Паўночнаатлантычнага альянсу.
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары