Праграміст з Бабруйска змяшаў Android, iOS і Windows Phone
Пра стылёвы лончэр SlideUP для Android распавядае Onliner.by.
Праграма SlideUP замяняе рабочы стол (лончэр) на Android. У дадатак да магчымасцей стандартных лончэраў праграма мае функцыі, падобныя да панэлі кіравання iOS 8, а стылёвымі «пліткамі» нагадвае Windows Phone.
Па словах стваральніка, праграма аптымізаваная пад кіраванне вялізнымі смартфонамі-»лапатамі» адной рукой.
Функцыі, якія ў большасці мабільных аперацыёнак вынесеныя на верхнюю частку экрану, аўтар праграмы перамясціў уніз. Кожную «плітку» можна расцягнуць уверх, каб атрымаць больш функцый.
Аўтар SlideUP, 30-гадовы Дзяніс, нарадзіўся ў Бабруйску, скончыў БНТУ і зараз жыве ў Мінску, мае двух дзяцей. На стварэнне праграмы ў яго сышло паўгода. Ён спрабаваў сабраць на праграму грошы праз Kickstarter, але, паводле яго слоў, аўдыторыя сервісу не прымае мабільныя праграмы.
Праграма SlideUP бясплатная, але некаторыя функцыі кшталту плітак з надвор’ем і наладамі платныя.
У бліжэйшых планах распрацоўшчыка адаптаванне праграмы для планшэтаў і плітка з музычным плэерам.
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары