Амерыканскі акцёр Леанард Німой, які атрымаў вядомасць за ролю Спока ў тэлевізійным серыяле «Зорны шлях» (Star Trek), памёр у ЗША ва ўзросце 83 гадоў, паведамляе газета New York Times.
Леанард Німой быў шпіталізаваны ў адну з бальніц Лос-Анджэлеса некалькі дзён таму са скаргамі на моцныя болі ў грудзях. Як паведаміла газеце жонка акцёра, прычынай смерці Німоя стала хранічная абструктыўная хвароба лёгкіх.
Леанард Сайман Німой нарадзіўся 26 сакавіка 1931 года ў Бостане (Масачусэтс) у сям'і яўрэйскіх эмігрантаў з Валынскай губерні (сёння Хмяльніцкая вобласць, Украіна). У 18-гадовым узросце Німой пайшоў з дому і з'ехаў у Каліфорнію, каб стаць акцёрам.
Найбольшую вядомасць акцёру прынесла роля містэра Спока ў серыяле «Зорны шлях». Леанард Німой ў 1987 годзе быў уганараваны зоркай на Галівудскай алеі славы. Акрамя акцёрскай прафесіі, Німой таксама захапляўся фатаграфіяй.
-
Вядомы трэвэл-блогер Антон Птушкін вярнуўся на YouTube. Але ў Беларусі яго новы выпуск недаступны
-
Джоні Дэп экранізуе «Майстра і Маргарыту» Булгакава — рыхтуецца першы англамоўны фільм
-
Гэтае кіно прыводзіць жанчын у захапленне, а мужчын — у шаленства. У пракаце новы фільм з лаўрэаткай «Оскара» Джэніфер Лоўрэнс
Каментары