Найбліжэйшым часам анлайн-трансляцый з судоў у Беларусі не прадбачыцца
Найбліжэйшым часам анлайн-трансляцый прыгавораў судоў у Беларусі наўрад ці варта чакаць. Гэта вынікае з заяў першага намесніка старшыні Вярхоўнага суда Валерыя Калінковіча журналістам 28 мая на міжнароднай навукова-практычнай канферэнцыі «Інфармацыйныя тэхналогіі і права», якая праходзіць у Мінску ў Нацыянальнай бібліятэцы.
«Заўтра анлайн-абвяшчэння прыгавораў не будзе, ці будзе яно паслязаўтра, не ведаю, гэтае пытанне прапрацоўваецца», — сказаў Калінковіч.
«У нас у адпаведнасці з працэсуальным заканадаўствам відэазапіс судовых працэсаў, уключаючы відэазапіс на лічбавыя носьбіты, ажыццяўляецца з дазволу старшыні і пры поўнай згодзе бакоў. Таму ў плане відэафіксацыі працэсу яго ўдзельнікамі або гледачамі існуюць пэўныя працэсуальныя абмежаванні, якія мы павінны будзем выконваць і ў далейшым», — растлумачыў першы намеснік старшыні ВС.
Што ж датычыцца інтэрнэт-трансляцыі судовага працэсу як такога, то, паводле слоў Калінковіча, тут таксама трэба ўлічваць, што працэсуальнае заканадаўства ўтрымлівае шэраг абмежаванняў, якія не дазваляюць гэта рабіць. «Адно з такіх абмежаванняў — ва ўсіх працэсуальных кодэксах у нас запісана, што дапытаныя сведкі па справе не павінны мець зносіны з недапытанымі. Як толькі мы пачынаем весці прамую трансляцыю з залы судовага пасяджэння, выканаць гэта патрабаванне практычна немагчыма. Любы недапытаны сведка, які ўвайшоў у інтэрнэт, можа ў рэжыме рэальнага часу ўбачыць і пачуць, як сябе паводзіць і якія паказанні дае папярэдні сведка», — растлумачыў Калінковіч.
Таму, паводле яго слоў, у адкрытасці судовых працэсаў ёсць свае межы, якія абумоўленыя інтарэсамі найперш правасуддзя.
Кажучы пра магчымасць абвяшчэння рэзалютыўнай часткі прыгавору ў адкрытым судовым пасяджэнні, Калінковіч звярнуў увагу на тое, што, «гледзячы ў наш інтэрнэт, сёння гэта ўжо робіцца без асаблівых намаганняў з боку судоў».
Пры гэтым ён заявіў, што ў судоў няма сёння задачы абвяшчаць прысуд у анлайн-рэжыме.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары