Сяброўка пра забітую ў М'янме беларуску: Яна была вельмі наіўная і шчыра верыла ў людзей
Вера Краўцова, якую забілі ў М'янме пры спробе ўладкавацца мадэллю, шукала лепшага жыцця, бо з дзяцінства сутыкалася з цяжкасцямі.
Сяброўка распавяла выданню «Абзац», што Вера, хоць і нарадзілася і расла не ў самым добрым раёне Мінска, была добрым, пазітыўным чалавекам.
«У яе нейкае лютае жыццё было. Я пра сям’ю, напэўна, падрабязнасцяў раскрываць не буду, але было цяжка. З ранняга дзяцінства пачала працаваць, то ў грамадскім харчаванні, то ў сферы паслуг», — сказала сяброўка загінулай.
Галоўнай марай Веры было адкрыць кавярню ў Кітаі. Аднак ажыццявіць яе дзяўчыне не атрымалася.
«Яна шукала лепшага жыцця ў матэрыяльным сэнсе. Кітай ёй як такі не падабаўся, але там добра плацілі. Насамрэч Вера была вельмі наіўная. Калі пра выкраданне праўда, дык гэта, хутчэй, ад глупства і шчырага даверу да людзей», — дадала суразмоўца.
Яна ўдакладніла, што апошні раз размаўляла з ёй 4 жніўня, але пасля сувязь з дзяўчынай знікла. Нягледзячы на гэта, сяброўка дагэтуль не хоча верыць у гібель Веры і хоча думаць, што яна застаецца ў рабстве, але жывая.
***
Сувязь з Верай знікла 4 кастрычніка. Па інфармацыі з расійскіх каналаў, якія цытавалі нейкую яе знаёмую расіянку з Чыты, бацькам Веры спачатку паведамілі, што дзяўчына загінула, і патрабавалі за яе цела $500 тысяч. А праз некалькі дзён сказалі, што дзяўчыну крэміравалі. Нібыта яна была ў Тайландзе, але яе адвезлі ў скам-цэнтр у М'янме, дзе прадалі на органы.
Беларускае пасольства ў В'етнаме арганізавала пошукавыя мерапрыемствы пры садзейнічанні сілавых і дыпламатычных структур краін В'етнама і Тайланда. Да аперацыі таксама былі падключаныя апараты ганаровых консульстваў Рэспублікі ў Янгоне і Бангкоку.
Учора стала вядома, што Веру Краўцову знайшлі мёртвай, пра гэта паведаміла крыніца расійскага тэлеканала «Рен ТВ». Паводле папярэдніх звестак, смерць насіла крымінальны характар.
Каментары
Глупость в 26 лет,а тем более искреннее доверие к людям…это как вообще? Себя продавать (и охранять) надо уметь,факт.
і нагадаю, рассылка інтымных фатаздымкаў без згоды — злачынства, і караецца законам ў любой нармальнай юрысдыкцыі (калі вы канешне не з каменнага стагоддзя пішаце).