Старшыня Сінадальнага аддзела РПЦ па ўзаемадзеянні царквы і грамадства протаіерэй Усевалад Чаплін падчас дыскусіі ў эфіры радыё «Эхо Москвы» выказаў спадзяванні, што мірнае і спакойнае жыццё хутка скончацца.
«Свецкасць — гэта мёртвая ідэалогія. Калі грамадства жыве ва ўмовах адноснага міру, — спакою, сытасці, — нейкую колькасць дзесяцігоддзяў, парачку-троечку, яно можа пражыць ва ўмовах свецкасці. Ніхто не пойдзе паміраць за рынак ці дэмакратыю, а неабходнасць паміраць за грамадства, яго будучыню рана ці позна ўзнікае. Мір доўгім не бывае. Мір зараз доўгім, дзякуй Богу, не будзе. Чаму я кажу «дзякуй Богу» — грамадства, у якім занадта шмат сытага і спакойнага, беспраблемнага, камфортнага жыцця — гэта грамадства, пакінутае Богам, гэта грамадства доўга не жыве.
Баланс паміж свецкасцю і рэлігійнасцю, напэўна, выправіць сам Бог, ўмяшаўшыся ў гісторыю і паслаўшы пакуты. Пакуты, якія ў гэтым выпадку пойдуць на карысць. Таму што яны дазволяць апамятацца тым, хто занадта прывык жыць ціха, спакойна і камфортна. Прыйдзецца пажыць інакш. І вось тады сапраўдны баланс зноў вымалюецца».
У адказ апанент Чапліна Леанід Гозман звярнуў увагу, што «протаіерэй Усевалад Чаплін толькі што сказаў: дзякуй Богу, што будзе вайна».
«Калі людзі прывыклі жыць занадта спакойна, лепш, каб была», — кіўнуў Чаплін.
Таксама протаіерэй выказаўся на тэму ўзаемаадносін улады і грамадства ў Расіі: «Наш народ сябе ад начальства не аддзяляе. Як вы ні спрабуеце раскалоць народ і ўладу, нічога не атрымліваецца. Ідэя адзінства народа і ўлады гэта як раз натуральная для нашага народа, праваслаўнага у большасці сваёй народа, і для мусульманскіх народаў Расіі — гэта натуральная ідэя. Нічога вы з гэтым не зробіце».
На пытанне аб тым, чаму цэркы і святары так багата ўбраныя, Чаплін даў шыкоўны адказ: «Людзі прыходзяць і купляюць самі святару залачоны крыж, купляюць машыны і купляюць золата для іканастаса і ўпрыгожваюць абразы. Якраз на іканастас і на іконы звычайна бізнес нам нічога не дае. Людзі прыходзяць і кажуць: хочам, каб у храме быў пазалочаны патрыярх, пазалочаны крыж, ці нешта ў гэтым родзе».
Нагадаем, што Усевалад Чаплін — афіцыйны прадстаўнік Маскоўскай патрыярхіі.
Каментары