13 лютага адбылася прэзентацыя першай кнігі Евы Вежнавец "Шлях дробнай сволачы" — беларускай аўтаркі з Любаншчыны, якая друкавалася ў часопісе «ARCHE». Першы яе аповед "Мы два хохлікі" выйшаў у 1998 годзе. Яе творчасць фарміравалася ў 90-х гадах пад мінскім і варшаўскім натхненнем. Ева Вежнавец піша па-жаночаму з сапраўды цвёрдым жаданнем данесці да чытачоў яе загадкавы свет.
Кніга складаецца з 9 аповедаў, збіраліся яны 10 гадоў. Першы збор апавяданняў аўтаркі выйшаў у свет пад эгідай "Кнігарні "Наша Ніва". Аповеды прысвечаны жыццю ў сучасных беларускіх ўмовах. "Шлях дробнай сволачы" – легкая кніга з даволі складаным і выразным жыццём герояў.
Цяпер Ева Вежнавец жыве і працуе ў Варшаве.
Будзем чакаць яе новых кніг, а "Шлях дробнай сволачы" можна знайсці ў беларускай бібліятэцы Школы імя Лазарскага.
Каментары