Мы — дваране
Жанр: камедыя, драма
Рэжысёр: Гары Алазракі
У ролях: Гансала Вега, Луіс Херарда Мендэс, Карла Сауза, Хуан Пабла Хіль, Яніс Герэра, Карлас Гаскон, Марыа Хадад, Мары Пас Мата.
Мексіка, 108 хв.
Адзнака: 7, 5
Багаты бізнэсмен з Мехіка Герман Нобль хвалюецца з-за таго, што яго трое дарослых дзяцей — Хаўер, Барбара, і Карлас — не робяць нічога карыснага ў сваім жыцці. Яны рана засталіся без маці, і Герман шмат гадоў не закранаў тэму працы, бо баяўся іх непакоіць. Але цяпер, калі Хаўер бавіць час з сябрамі і прыдумляе тупыя ідэі для бізнэсу, Барбара збіраецца замуж за балабола без грошай, а Карласа выключылі з універсітэта за сувязі з выкладчыцамі, Геман вырашыў правучыць дзяцей.
Малады максікансы рэжысёр Гары Алазракі для свайго рэжысёрскага поўнаметражнага дэбюта абраў беспройгрышны варыянт — класічны камедыйны сюжэт.
Найперш ён адсылае да стужкі Луіса Бунюэля «Вялікі гуляка» 1949-га. Праўда, там на шыі ў багацея сядзіць вялікае сямейства, а вызваляць яго ад несумленных родных і чаркі даводзіцца ўласнаму адвакату падобным спосабам, якім Герман вырашае вучыць жыццю ўласных дзяцей. Сябар Германа і партнер па бізнэсе Анвар з ім за адно: разам яны імітуюць арышт маёмасці і банкрутства кампаніі, у выніку чаго сям'я застаецца без сродкаў. Дзеці вымушаныя жыць па-іншаму — бесклапотнаму існаванню «залатой моладзі» прыходзіць канец. Гэтая падзея кардынальна змяняе іх стаўленне да людзей і жыцця.
Стужка была намінаваная на мексіканскую кінапрэмію «Арыэль»-2014 за найлепшы адаптаваны сцэнар. Выканаўца галоўнай жаночай ролі Карла Сауза атрымала некалькі ўзнагарод за ролю Барбары.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары