Прэзідэнт Расіі Уладзімір Пуцін выказаў занепакоенасць дзейнасцю замежных фондаў, якія, на яго думку, шукаюць у расійскіх школах таленавітых вучняў і спрабуюць перавабіць іх за мяжу.
«Мы з вамі ведаем, напэўна, а можа быць нехта і не ведае, так званыя фонды замежныя па школах працуюць, сеткавыя арганізацыі проста шнараць па школах шмат гадоў пад выглядам падтрымкі таленавітай моладзі. На самай справе — як пыласосам высмоктваюць моладзь. І ўсё! Проста са школы абітурыентаў бяруць, садзяць на гранты і вязуць», — заявіў Пуцін.
Па словах прэзідэнта, Расія павінна быць гатовая да канкурэнцыі ў сферы навуковых распрацовак і тэхналогій, і ў гэтай сферы неабходна забяспечыць яе суверэнітэт.
«Каб якія-небудзь знешнія выклікі, абмежаванні, спробы стрымаць Расію, а таксама слабасць ўласнага навуковага патэнцыялу не станавіліся бар'ерам для развіцця, для нашага росту», — дадаў Пуцін.
Каментары