Установы аховы здароўя Менску ўкамплектаваныя мэдыцынскім пэрсаналам на 76 адсоткаў. Завабіць лекараў у сталічныя бальніцы і паліклінікі мяркуюць большым заробкамі й жыльлём у інтэрнатах.
У Менску не стае мэдработнікаў. Лекарамі ўстановы аховы здароўя ў 2007 годзе былі ўкамплектаваныя на 76 адсоткаў, а сярэднім мэдычным пэрсаналам — на 76,2. Пра гэта карэспандэнту «Мінск‑навіны» паведамілі ў Камітэце па ахове здароўя Менгарвыканкаму. Лепш за ўсё сытуацыя зь лекарамі ў дзіцячых паліклініках, яны ўкамплектаваныя на 84 адсоткі. А горш за ўсё ў дарослых лякарнях і дыспасэрах, дзе не стае каля трыццаці адсоткаў дактароў.
На думку старшыні Камітэту па ахове здароўя Менгарвыканкаму Дзьмітрыя Піневіча, вырашыць праблему з кадрамі можна шляхам павышэньня заробнай платы мэдыцынскі работнікам, а таксама вылучэньня ім жыльля. Праект рашэньня Менгарвыканаму пра будаўніцтва ў 2008‑2010 гадах трох інтэрнатаў сямейнага тыпу для мэдработнікаў амбуляторна‑паліклінічнага зьвяна ўжо падрыхтаваны.
Цяпер чытаюць
Зніклы Котаў выехаў з Турцыі морам — магчыма, у бок Расіі4
Каментары