Анатоль Котаў ужо выязджаў у Турцыю і лічыў яе бяспечнай — крыніцы
Як стала вядома «Нашай Ніве», зніклы ў Турцыі Анатоль Котаў пасля эміграцыі бываў у Турцыі і вяртаўся без праблем.
Паездкі былі ў 2025 годзе.
«Па лініі работніка івэнт-індустрыі Котаў ездзіў у Турцыю. Гэта танная цёплая краіна, куды зручна звозіць работнікаў кампаній па Еўропе. Іншымі словамі, папулярная для карпаратываў. І туды лёгка і бязвізава дабірацца работнікам з Расіі ці Беларусі, калі такія ёсць. Котаў арганізоўваў там мерапрыемствы, часам яго пазнавалі», — сказаў «Нашай Ніве» інфармаваны суразмоўца.
Анатоль Котаў перастаў выходзіць на сувязь у чацвер, 21 жніўня. З Турцыі ён не вярнуўся ў Польшчу самалётам у нядзелю, 24 жніўня, як тое было запланавана.
Сябры Котава ўжо падалі заяву аб знікненні чалавека ў польскія і турэцкія органы.
Котаў — былы беларускі чыноўнік сярэдняй рукі. Па стане на 2020 год ён быў намеснікам начальніка аднаго з аддзелаў у Кіраўніцтве спраў Лукашэнкі. Не пагадзіўшыся з палітыкай Лукашэнкі, ён звольніўся адтуль і выехаў у Польшчу. З Паўлам Латушкам, з якім яны былі раней знаёмы, Котаў стаў працаваць у НАУ. Але пасля разышліся.
Котаў жа ў 2021-м знайшоў новых саюзнікаў і стаў адным з арганізатараў Форума дэмакратычных сіл — разам з Валерыем Цапкалам, Вольгай Карач і іншымі дзеячамі.
У Варшаве Котаў працуе ў івэнт-агенцтве Terra Group.
У Беларусі ён завочна асуджаны да 12 гадоў.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6060
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне60
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары