Нерухомасць77

Намеснік міністра патлумачыў, чаму ў Беларусі не будуюць масава жыллё па 8-10 млн за м²

Кошт квадратнага метра жылля, якое будуецца з дзяржпадтрымкай, у сярэднім за паўгоддзе склаў 7,2 млн за квадратны метр. Пра гэта сёння заявіў першы намеснік міністра будаўніцтва і архітэктуры Аляксандр Кручанаў.

Ён таксама распавёў, што ўсяго сёлета будзе пабудавана толькі 1,5 млн квадратных метраў з дзяржпадтрымкай. Пры гэтым мадэрнізаваныя прадпрыемствы ДБК гатовыя будаваць і 10 млн квадратных метраў у год — магутнасцяў хапае.

Фота by-dialog.livejournal.com

Журналістка REALTY.TUT.BY папрасіла растлумачыць некаторыя моманты.

— Як вы адзначылі, жыллё ДБК, якое будуюць для маючых патрэбу па 7,2 мільёна за квадратны метр, будуецца не на страту. Дык што перашкаджае будаваць у краіне па 10 мільёнаў квадратных метраў у год для ўсіх жадаючых?

— Вы выдатна разумееце, што жыллё, якое будуецца з дзяржпадтрымкай, вызвалена ад многіх плацяжоў. Напрыклад, ад адлічэнняў па зносе, — удакладніў Аляксандр Кручанаў.

— Гэта павялічвае цану толькі на 7%.

— Так. Але дадайце выдаткі на сеткі (забудоўшчыкі кажуць, што гэта дадае яшчэ да 15% да кошту будаўніцтва). Акрамя таго, людзі, якія не маюць патрэбу ў паляпшэнні жыллёвых умоў, не ідуць у жыллё тыпавых спажывецкіх якасцяў (якое будуюць ДБК), іх вабіць свабодная планіроўка, метраж пад 100 метраў — гэта нармальна. На чарзе маючых патрэбу больш за 720 тысяч чалавек. А суадносіны ў будаўніцтве: 4 мільёны за ўсё, з іх 1,5 — з дзяржпадтрымкай. І так, сёння ёсць жыллё, якое даражэй. Сярэдняя цана — 13,4 мільёна за квадратны метр. Першасны рынак — 9,7, другасны — больш за 15 мільёнаў у сярэднім. Мы з дзяржпадтрымкай будуем танней. Але камфорт розны.

— Выдатны прыклад — Гомель. Там УКБ будуе і прадае звычайнае панэльнае жыллё. У іх камерцыйная цана — каля 9,5 мільёнаў за квадратны метр. Разыходзіцца жыллё ўмомант. Людзі, гатовыя плаціць за тыпавое панэльнае жыллё, у чарзе за ім стаяць — лічаць цану прымальнай. Правільна я зразумела, што вы лічыце: калі пачнеце будаваць масава тыпавое жыллё па 8-10 мільёнаў за квадратны метр, то яго проста не купяць?

— Мы не можам: як будаваць, калі грошай няма? Ні ў нас, ні ў насельніцтва. Няўжо вы думаеце, што сёння наша насельніцтва дастаткова багатае?

Сярод іншых пытанняў асвятлялася і перспектыва змены заканадаўства. У прыватнасці, ўнясенне змяненняў ва ўказы. Як паведаміў Аляксандр Кручанаў, рыхтуюцца папраўкі ва ўказы №№ 13 і 26, якія рэгламентуюць будаўніцтва жылля. Зрэшты, чыноўнік адзначыў, што абмяркоўваць змены ў 13-ы ўказ (які вызначыў, каму належыць льготны крэдыт, а каму — не) рана, паколькі невядома, якія з іх пройдуць ўзгадненне ўсіх зацікаўленых структур. А вось у прапановах да 26-га указа (які рэгламентуе працу ДБК у тым ліку) ёсць тое, што можа зрабіць панэльныя новабудоўлі больш даступнымі: Мінбудархітэктуры прапануе вылучаць дзяржаўным домабудаўнічым камбінатам пляцоўкі для будаўніцтва па-за аўкцыёнам. Цяперашняе ж заканадаўства прадугледжвае, што зямля пад будаўніцтва для тых, хто не мае патрэбы ў паляпшэнні ўмоў, павінна падавацца менавіта праз аўкцыёны, і цана ўчастка потым кладзецца на плечы дольшчыкаў.

Каментары7

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Кіраўнік Ліды заклікаў сілавікоў не спыняць палітычных рэпрэсій28

Кіраўнік Ліды заклікаў сілавікоў не спыняць палітычных рэпрэсій

Усе навіны →
Усе навіны

Пад Мінскам учора бачылі смерч

Час для вялікага наступу Расіі: якімі могуць быць «апошнія 50 дзён вайны»3

Аўтобус Мінск — Вільня з'ехаў у кювет у Валожынскім раёне

Для гараджан — перамога, для вяскоўцаў — трагедыя. Што паказала дзяржаўнае апытанне пра Другую сусветную вайну24

Ахова і дзясяткі людзей у камандзе: за што жыве Офіс Ціханоўскай у Вільні?49

Ужо ў адзінаццаць гадоў? Ва ўсім свеце ўзрост пачатку першых месячных працягвае маладзець7

З’явілася нечаканая версія прычыны знікнення Мельнікавай, якая «шмат што тлумачыць»37

Шматдзетная амерыканская сям’я ўцякла ў Расію ад «ЛГБТ-прапаганды». Муж ужо трапіў на вайну18

«Такога яшчэ не было». Адбылася масіраваная атака на Крывы Рог, Вінніцу, Харкаў3

больш чытаных навін
больш лайканых навін

Кіраўнік Ліды заклікаў сілавікоў не спыняць палітычных рэпрэсій28

Кіраўнік Ліды заклікаў сілавікоў не спыняць палітычных рэпрэсій

Галоўнае
Усе навіны →

Заўвага:

 

 

 

 

Закрыць Паведаміць