У польскіх памежнікаў з боку беларускай мяжы кінулі кактэйлем Молатава ВІДЭА
15 ліпеня пасля 22:00 на беларуска-польскай мяжы каля Чаромхі адбыўся напад на польскіх памежнікаў і вайскоўцаў. Людзі з беларускага боку закідалі іх камянямі, а адзін з нападнікаў кінуў у бок абаронцаў мяжы бутэльку з кактэйлем Молатава, паведаміў прэс-сакратар Міністэрства ўнутраных спраў і адміністрацыі Польшчы Яцэк Дабжыньскі.
Кінутая бутэлька разбілася аб дарогу, і разлітая вадкасць загарэлася. На шчасце, ніхто не пацярпеў.
Wczoraj po godzinie 22:00 na polsko-białoruskiej granicy niedaleko Czeremchy, funkcjonariusze Straży Granicznej i żołnierze zostali zaatakowani przez osoby przebywające po drugiej stronie zapory. Na obrońców naszej granicy posypał się grad kamieni, a jeden
z atakujących cisnął w… pic.twitter.com/wiLs0h649n
Падчас гэтай аперацыі былі затрыманыя 10 іншаземцаў — 5 грамадзян Афганістана і 5 Эрытрэі. Яны цяпер знаходзяцца пад кантролем польскай памежнай службы.
Гэты інцыдэнт польскія ўлады назвалі абуральным і недапушчальным. Паводле іх, ён не мог адбыцца без ведама і дазволу з боку беларускіх спецслужбаў.
Польшча ўскладае ўсю адказнасць за здарэнне на Беларусь, якая, як сцвярджаецца, ужо некалькі гадоў вядзе агрэсіўныя дзеянні на мяжы.
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары