Пасля завяршэння будаўніцтва высакахуткаснай магістралі паміж Масквой і Санкт-Пецярбургам хуткасныя цягнікі «Сапсан» могуць пачаць курсіраваць па іншых кірунках. Пра гэта паведаміў намеснік гендырэктара Расійскіх чыгунак Іван Калеснікаў у інтэрв’ю агенцтву РИА Новости.
Цяпер «Сапсаны» ездзяць толькі паміж Масквой і Санкт-Пецярбургам. Але пасля запуску высакахуткаснай магістралі, гэтыя цягнікі могуць быць накіраваныя на новыя маршруты. Разглядаюцца варыянты Масква — Мінск, Масква — Ніжні Ноўгарад і Масква — Варонеж.
Іван Калеснікаў удакладніў, што канчатковае рашэнне яшчэ не прынятае, вырашацца ўсё будзе бліжэй да даты запуску магістралі. Пры гэтым, на яго думку, новыя кірункі выглядаюць даволі відавочна.
«Сапсан» — высакахуткасны цягнік нямецкай вытворчасці. Гэты састаў разганяецца да 250 км/г, таму на дарогу ён пры наяўнасці адпаведнай інфраструктуры траціць у два разы менш часу, чым у звычайных цягніках.
Высакахуткасная магістраль — гэта спецыяльна пабудаваная электрыфікаваная дзвюхкалейная чыгунка, па якой цягнікі могуць рухацца са хуткасцю ад 200 да 400 км/г. Пакуль у Расіі такіх магістраляў няма, але будаўніцтва асноўнага ўчастка па планах павінна было пачацца ўжо сёлета ў сярэдзіне года.
Асуджаны за «Гаюн» да хіміі брат Ігара Лосіка ўцёк з Беларусі3
Каментары