Мужчына надрукаваў расійскі пашпарт на друкарцы і паспрабаваў адляцець з Мінска ў Стамбул
Памежнікі падвох заўважылі і затрымалі замежніка.
Скрыншот відэа Памежнага камітэта
Раніцай 15 ліпеня ў аэрапорце «Мінск» затрымалі мужчыну з расійскім пашпартам. Ён збіраўся вылецець у Стамбул.
Пашпарт выклікаў у памежнікаў сумневы. Пасля праверкі аказалася, што дакумент мужчына цалкам надрукаваў на звычайнай друкарцы.
Акрамя таго, стала вядома, што іншаземец не выпадкова спрабаваў вылецець у Турцыю па падробленым пашпарце: ён знаходзіцца ў міждзяржаўным вышуку за крадзеж і дачу хабару. Мужчыну затрымалі і адправілі ў ізалятар.
За спробу незаконнага перасячэння мяжы парушальніку пагражае штраф да 100 базавых велічынь, то-бок да 4200 рублёў. Акрамя таго, за падробку дакумента прадугледжаная крымінальная адказнасць — абмежаванне свабоды на тэрмін да двух гадоў.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары
[Зрэдагавана]