Бацькі асуджаных па арт. 328 дзяцей ствараюць «Матчын рух» і рыхтуюць зварот да Лукашэнкі
У Беларусі ствараецца грамадскае аб’яднанне «Матчын рух 328», удзельнікі якога — бацькі, чыіх дзяцей асудзілі да вялікіх тэрмінаў за распаўсюд наркотыкаў.
«Шматлікія дзеці сядзяць па разнарадцы, дзеля выканання плана затрыманняў. Сапраўдныя ж наркабароны, якія вароцяць мільярдамі, дагэтуль на волі. Гэта несправядліва, на нашу думку», — рассказала «Нашай Ніве» гродзенская актывістка Ларыса Жыхар.
«Рух задуманы як агульнабеларускі, але афіцыйна мы пакуль створым гарадское грамадскае аб’яднанне ў Гродне, —працягнула жанчына, — Далей будзе відаць, бо нашы аднадумцы жывуць ва ўсіх гарадах краіны. Рэгістрацыя патрэбна для таго, каб нас больш не штурхала міліцыя і пракуратура, маўляў, мы ніхто. А так на нас звярнуць увагу і ўладам давядзецца прызнаць, што такая праблема існуе. Наша праграма максімум — гэта перагляд спраў асуджаных дзяцей і ціск на органы з мэтай пошуку сапраўных лялькаводаў наркатрафіку ў Беларусі. Мы ўжо збіраем подпісы пад адпаведнымі зваротамі па ўсёй краіне. Неўзабавае гэтыя звароты мы накіруем да дэпутатаў усіх узроўняў, у генпракуратуру і да Аляксандра Лукашэнкі».
Па словах актывісткі, калі звароты не дадуць плёну, то «Матчын рух 328» пойдзе ў апошнія інстанцыі: ААН і суд у Страсбургу.
«Мы будзем пісаць прэзідэнту ў надзеі, што ён усвядоміць — вельмі жорстка казаць на ўсю краіну, што падлеткі павінны сядзець і прасіць смерці [гаворка пра Дэкрэт №6]. Між тым, многія з іх упершыню патрапілі за краты, а некаторыя нават упершыню трымалі ў руках наркотыкі. А іх садзяць на 15 гадоў! Некаторых дзяцей проста выкарысталі», — сказала таксама Ларыса.
Пры канцы мінулага года Следчы камітэт паведаміў пра затрыманне двух супрацоўнікаў КДБ і аднаго міліцыянта. Гэтая група працяглы час займалася пастаўкамі спайсаў з Расіі ў Беларусь і зарабіла на гэтым блізу 32 мільярдаў рублёў.
Новае заканадаўства ўзмацніла пакаранні за распаўсюд наркотыкаў. Яго прыняцце дыктавалася неабходнасцю спыніць распаўсюд спайсаў, якія літаральна касілі моладзь.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»2
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары