Пра гэта паведамілі ягоныя сябры з тактычнай групы «Беларусь» ДУК «Правы сектар». Хлопец з пазыўным «Тарас» быў моцна паранены 10 жніўня ў баях пад Белакаменкай Данецкай вобласці.
Сябры кажуць, што ён ад зімы ваяваў ва Украіне. «Гэта былі найбольш цяжкія часы, калі нас пастаянна крыла расійская артылерая, — кажа паплечнік «Тараса». — Ён браў удзел у вызваленні заблакаваных у Данецкім аэрапорце байцоў 80-й асобнай аэрамабільнай брыгады».
Беларус атрымаў раненне з 82-міліметровага мінамёта БМ-37. Аскепкі міны трапілі ў грудзі, нырку і галаву. Было зроблена некалькі аперацый, але выратаваць «Тараса» не ўдалося. Сёння ён памёр.
Гэта першы зафіксаваны выпадак смерці беларускага байца, што ваюе на баку Украіны ў Данецкай і Луганскай абласцях. Вядома, што загінулі два беларусы, што ваявалі на баку баевікоў.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення8080
Каментары