Пра гэта пісьменнік, кандыдат у прэзідэнты на выбарах 2010 года напісаў у сваім фэйсбуку. Уладзімір Някляеў, нагадаем, браў удзел у пікеце, арганізаваным Мікалаем Статкевічам, што прайшоў каля мінскага ГУМа 10 верасня.
«Патэлефанавалі з органаў (міліцэйскіх), настойліва прапанавалі прыйсці, каб даць тлумачэнні па ўдзеле ў пікеце 10 верасня. Для прыняцця рашэння, — напісаў ён. — Канстытуцыі РБ, якая нават у тым знявечаным выглядзе, які надаў ёй цяперашні беларускі рэжым, дае мне, як і кожнаму грамадзяніну Беларусі, права свабодна выяўляць сваю грамадзянскую пазіцыю».
«Падчас выбарчых кампаній гэтае права яшчэ й падмацаванае 45 артыкулам Выбарчага кодэксу. Тыя «праваахоўнікі», якія пазбаўляюць мяне, усіх грамадзян Беларусі гэтага права, не даюць магчымасці яго рэалізаваць, і ёсць найпершыя правапарушальнікі. Кіруючыся падзаконнымі дэкрэтамі, указамі, загадамі, інструкцыямі, яны служаць не закону, а беззаконню.
Вось і ўсе мае тлумачэнні», — зазначыў палітык.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары