Нацбанк узяўся за дэдалярызацыю: магчымасці выкарыстання валюты ў Беларусі абмежаваныя
Нацбанк унёс змяненні і дапаўненні ў Правілы правядзення валютных аперацый, зацверджаныя пастановай праўлення №72 ад 30 красавіка 2004 года, скараціўшы магчымасць выкарыстання замежнай валюты ў разліках на тэрыторыі краіны.
Тэкст пастановы праўлення Нацбанка № 515 ад 26 жнiўня апублікаваны на Нацыянальным прававым партале, дакумент уступае ў сілу з 16 верасня.
Пастановай №515, у прыватнасці, выключаецца выкарыстанне замежнай валюты пры ажыццяўленні разлікаў паміж юрыдычнымі асобамі — рэзідэнтамі з удзелам рэзідэнтаў свабодных эканамічных зон і пры ажыццяўленні разлікаў па асобных відах дагавораў страхавання, адзначана ў каментары рэгулятара.
Змены закранулі і разлікі ў замежнай валюце з удзелам фізічных асоб.
У прыватнасці, не дапускаецца выкарыстанне замежнай валюты пры прыёме юрасобамі ад фізічных асоб замежнай валюты для аплаты дыпламатычных і іншых афіцыйных прадстаўніцтваў замежных дзяржаў консульскіх і іншых збораў па афармленні дакументаў дадзеных фізічных асоб. Пры гэтым захавана магчымасць прыёму замежнай валюты ад фізічных асоб непасрэдна дыпламатычнымі і іншымі афіцыйнымі прадстаўніцтвамі замежных дзяржаў.
У Нацбанку падкрэслілі, што для завяршэння выканання абавязацельстваў па дагаворах, якія былі заключаны ў замежнай валюце і выкананне абавязацельстваў па якіх было пачата да 16 верасня 2015 года, разлікі ў валюце дапускаюцца да 31 снежня гэтага года.
«Пры гэтым не дапускаецца заключэнне дадатковых пагадненняў да названых дагаворах, якія павялічваюць суму абавязацельстваў у замежнай валюце і тэрміны дзеяння гэтых дагавораў. Суб'ектам валютных аперацый варта прывесці раней заключаныя дагаворы ў адпаведнасць з патрабаваннямі валютнага заканадаўства», — гаворыцца ў каментары Нацбанка, які лістом ад 15 верасня ўжо давёў гэтую інфармацыю да банкаў.
Пастановай № 515 таксама вызначана, што натарыусы, якія ажыццяўляюць натарыяльную дзейнасць у натарыяльных бюро, і адвакаты, якія працуюць індывідуальна, ажыццяўляюць валютныя аперацыі ў парадку, устаноўленым для юрыдычных асоб-рэзідэнтаў.
«У мэтах урэгулявання пытанняў, звязаных з ажыццяўленнем разлікаў у беларускіх рублях, выкліканых зменай заканадаўства аб парадку адкрыцця і дзейнасці прадстаўніцтваў замежных юрыдычных асоб, устаноўлена магчымасць адкрыцця нерэзідэнтамі рахункаў у беларускіх рублях без рэгістрацыі на тэрыторыі Беларусі сваіх прадстаўніцтваў», — адзначылі ў НББ.
Цяпер чытаюць
Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят4
Каментары