ЗША дасягнулі пагаднення па дамове аб Трансціхаакіянскім партнёрстве (Trans-Pacific Partnership), паведамляецца на сайце гандлёвага прадстаўніцтва ЗША.
Гэта найбуйнейшае за 20 гадоў гандлёвае пагадненне, адзначае Bloomberg. Дамова прадугледжвае стварэнне зоны свабоднага гандлю ў Азіяцка-Ціхаакіянскім рэгіёне. ЗША падпішуць дакумент з 11 краінамі: гэта Японія, Новая Зеландыя, В'етнам, Канада, Аўстралія, Малайзія, Перу, Бруней, Сінгапур, Чылі і Мексіка.
Зона свабоднага гандлю, прадугледжаная дамовай, ахопіць 40% сусветнага гандлю, піша Bloomberg. Агенцтва адзначае, што гэта пагадненне было адной з галоўных мэтаў прэзідэнта ЗША Барака Абамы ў эканоміцы і знешняй палітыцы. Дамова і стварэнне зоны свабоднага гандлю разглядаецца як магчымасць супрацьстаяць Кітаю.
Пагадненне агаворвае пытанні інвестыцый і фінансаў, супрацоўніцтва ў мытным рэгуляванні, правоў на інтэлектуальную ўласнасць і іншых сфер.
Прэзідэнт ЗША Барак Абама, каментуючы пагадненне, заявіў, што яно дазволіць амерыканскім рабочым і бізнесменам дасягнуць поспеху, якога яны заслугоўваюць, перадае Reuters. Пагадненне павінна таксама прайсці працэдуру ўзгаднення ў Кангрэсе ЗША, дадае агенцтва.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары