Міжнародны крымінальны суд у Гаазе дапусціў магчымасць расследавання падзей збройнага канфлікту, які адбыўся ў жніўні 2008 года на тэрыторыі Паўднёвай Асеціі і Грузіі з удзелам Расіі.
У прэс-рэлізе на сайце суда ўдакладняецца, што пракурор Фату Бенсуда, вывучыўшы наяўную інфармацыю пра канфлікт, угледзела ў дзеяннях яго бакоў прыкметы злачынстваў, якія падпадаюць пад юрысдыкцыю Гаагскага суда.
Цяпер Бенсуда мае намер накіраваць у суд афіцыйны запыт пра расследаванне падзей 2008 года. Па выніках разгляду запыту суддзі палаты папярэдняга расследавання вырашаць, задаволіць яго ці адхіліць.
Канфліктам у Грузіі і Паўднёвай Асеціі ў Гаагскім судзе зацікавіліся неўзабаве пасля спынення баявых дзеянняў, аднак да цяперашняга моманту ніякіх працэсуальных рашэнняў на гэты конт суд не прыняў.
Ціханоўская пра мужа: Увесь ягоны свет перакулены22
Каментары