Цэнтральная камісія камуністычнай партыі Кітая па праверцы дысцыпліны абвінаваціла галоўную камуністычную газету краіны «Жэньмінь жыбао» ў тым, што яе філіялы бралі хабары за публікацыю артыкулаў — альбо за замоўчванне навін, нявыгадных для «кліентаў».
Камісія таксама абвінаваціла некаторыя бюро газеты на месцах у нямэтавым выкарыстанні дзяржаўных сродкаў, у прыватнасці, на адпачынкі.
Аднак у афіцыйнай заяве інспектараў КПК не прыведзеныя канкрэтныя прыклады хабарніцтва журналістаў.
Галоўны рэдактар «Жэньмінь жыбао» запэўніў камісію, што рэдакцыя «возьме на ўзбраенне» папярэджанне і прыкладзе ўсе намаганні, каб антыкарупцыйныя меры былі прынятыя на 100%.
Тры гады таму новы старшыня КНР Сі Цзіньпін пачаў масіраваную кампанію па барацьбе з карупцыяй, у рамках якой адмысловыя групы інспектараў камісіі КПК праводзяць праверкі ва ўсіх дзяржаўных ведамствах і на прадпрыемствах.
Цяпер чытаюць
Беларусам стала складаней легалізавацца ў Польшчы — там больш не прымаюць выдадзеныя ў БССР дакументы і патрабуюць апастылі48
Каментары