У ліку лаўрэатаў — Фідэль Кастра і Уладзімір Пуцін.
Прэзідэнт Зімбабвэ Роберт Мугабэ быў узнагароджаны кітайскай «Прэміяй міру імя Канфуцыя» за яго натхнёнае нацыянальнае лідарства і прасоўванне панафрыканізму.
Мугабэ «пераадолеў ранастайныя цяжкасці і моцна імкнецца да пабудовы палітычнага і эканамічнага парадку ў сваёй краіне, у той жа час рашуча падтрымлівае панафрыканізм і афрыканскую незалежнасць», — гаворыцца ў паведамленні камісіі.
Мугабэ атрымаў толькі 36 з 76 галасоў, але па выніках пасяджэння 13 членаў экспертнага савета камітэта ўсё ж атрымаў узнагароду. У лік іншых кандыдатаў уваходзілі Нурсултан Назарбаеў, заснавальнік Майкрасофт Біл Гейтс і прэзідэнт Паўднёвай Карэі Пак Кых-хе.
Роберт Мугабэ — самы стары кіраўнік дзяржавы на планеце (91 год). Прэзідэнт Зімбабвэ з 1987 года. Цягам свайго кіравання ператварыў адну з самых паспяховых краін Афрыкі ў царства жабрацтва, голаду і СНІДу. З 2015 года старшыня Афрыканскага саюза.
Прэмія была заснаваная ў 2010 годзе ў адказ на рашэнне Нобелеўскага камітэта прысудзіць Прэмію міру кітайскаму дэсідэнту Лю Сяабо. Лаўрэатам прэміі Канфуцыя выплочваецца 100 000 юаняў (прыблізна 15 тысяч даляраў). У 2010 годзе яе атрымаў Уладзімір Пуцін, а ў 2014 — Фідэль Кастра.
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі27
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары