У канцы года ў Нацыянальным мастацкім музеі адкрыецца экспазіцыя арыгіналаў работ іспанскіх жывапісцаў Франсіска Гойі і Пабла Пікаса. Каля 100 графічных твораў агульным коштам 1,4 мільёна еўра з калекцыі Каралеўскай Акадэміі мастацтваў даставяць з Мадрыда ў Мінск.
«Найбольшыя складанасці пры арганізацыі выставы паўсталі з транспарціроўкай гравюр, — распавялі арганізатары. — У Беларусі няма ніводнай кампаніі, якая спецыялізуецца на транспарціроўцы прадметаў мастацтва, а гэта было асноўным патрабаваннем музея Каралеўскай акадэміі вытанчаных мастацтваў Сан-Фернанда».
З твораў Пікаса ў экспазіцыі прадстаўлены работы з серый «Сюіта Валара», ілюстрацыі да навэле Анарэ дэ Бальзака «Невядомы шэдэўр», а таксама асобныя гравюры «Паранены Пікадор», «Акцёрская трупа», «Тры жанчыны і тарэадор». Ілюстрацыі да навэлы Анарэ дэ Бальзака «Невядомы шэдэўр», а таксама гравюры серыі «Сюіта Валара» былі створаныя Пікаса па замове Амбруаза Валара, аднаго з самых значных арт-дылераў у Парыжы ў канцы XIX — пачатку XX стагоддзя.
«Як правіла, свае графічныя работы Гойя аб'ядноўваў ў вялікія серыі, першая з якіх атрымала назву «Капрычас», за ёй былі «Бедствы вайны», «Таўромахія» і «Дыспаратэс». Выстава імкнецца дасягнуць поўнага адлюстравання творчасці Гойі, у ёй сабраныя найбольш цікавыя творы кожнай з гэтых серый», — распавядаюць арганізатары.
Выстава пройдзе ў Нацыянальным мастацкім музеі з 21 снежня 2015 па 21 сакавіка 2016. Квіткі хутка з'явяцца ў продажы.
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары