Аўстрыйская паліцыя спрабуе высветліць паходжанне больш за 100 тысяч еўра, заўважаных адным з мінакоў у водах Дуная ў Вене.
Жыхар аўстрыйскай сталіцы, які заўважыў банкноты, нырнуў па іх у ваду. Мінакі падумалі, што ён вырашыў пакончыць з сабой і выклікалі паліцыю, паведамляе мясцовая прэса.
Вартавыя парадку прыбылі на месца здарэння як раз у той момант, калі меркаваны самазабойца вылоўліваў з ракі банкноты вартасцю ў 100 і 500 еўра. Цяпер ён прэтэндуе на тое, каб яму выдалі частку выратаванай з вады сумы.
kurier.at
Як паведамілі ў прэс-службе аўстрыйскай паліцыі, у праваахоўных органаў пакуль няма ніякіх дадзеных, якія сведчаць аб крымінальным паходжанні знойдзеных у Дунаі грошай.
Каментары