«Склалі на ўскрайку лесу — і цішыня». Лукашэнка запатрабаваў здабываць прыбытак з бураломаў
Падчас нарады з кіраўнікамі дыпламатычных прадстаўніцтваў Лукашэнка акцэнтаваў увагу на неабходнасці развіваць дрэваапрацоўку і ствараць з паваленага ўраганам лесу маржынальны прадукт. Пры гэтым ён панаракаў, што хоць пад ягоным ціскам буралом збіраецца і вывозіцца, але пасля проста гніе.
«У нас што ні ўраган, то праблема. Пад ціскам прэзідэнта лес паламаны-пераламаны апрацавалі, вывезлі, склалі на ўскрайку лесу — і цішыня. Усё гніе. Пытанне, навошта мы вывозілі тады гэты лес і ратавалі ад буралому», — абурыўся Лукашэнка.
Ён падкрэсліў, што гэты лес можна перапрацаваць у маржынальныя прадукты, такія як пелеты.
«Смецце ўсё перапрацавалі, зрабілі пелеты — няма куды падзець. Паехаў на прадпрыемства, паглядзеў, пытаюся: пелеты патрэбныя ў свеце? Патрэбныя! Прадаеце? Прадаем! І не ў страты. Так, маржынальнасць нізкая цяпер у сувязі з тым, што пайшоў Еўрасаюз. Але ён прыйдзе», — упэўнены палітык.
Ён лічыць недапушчальнай сітуацыю, калі леснікі сумесна з кіраўнікамі сельгаспрадпрыемстваў вывозяць павалены лес і проста пакідаюць яго на палях. Маўляў, такім чынам наносіцца падвойная шкода: і сам лес гніе, і займаецца ўрадлівая зямля.
А памагчы перапрацаваць буралом, на ягоную думку, маглі б зацікаўленыя краіны, напрыклад, Аман.
«Яны гатовыя тут будаваць. Ужо паўгода целяпаемся пасля майго візіту туды», — зноў панаракаў Лукашэнка на неразваротлівасць атачэння.
Найбуйнейшы ў Беларусі пелетны завод спыняў працу праз санкцыі. Цяпер «арыентуецца на ўнутраны рынак»
Найбуйнейшы ў Беларусі пелетны завод спыняў працу праз санкцыі. Цяпер «арыентуецца на ўнутраны рынак»
Лукашэнка расказаў, які цуд у Беларусі робяць з гаўна
Беларусь не змагла знайсці замену еўрапейскім рынкам для продажу пелет
Цэны на драўніну на сусветным рынку абваліліся
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка21
Каментары