Чакаецца, што аб запуску сеткі сотавай сувязі чацвёртага пакалення па тэхналогіі LTE (4G) у Беларусі будзе афіцыйна аб'яўлена 17 снежня. Паводле звестак БелаПАН, на гэты дзень у Мінску запланаванае мерапрыемства з удзелам кіраўніцтва Міністэрства сувязі і інфарматызацыі.
Рэалізацыяй праекта разгортванне сеткі LTE ў Беларусі займаецца СТАА «Беларускія воблачныя тэхналогіі» (аператар beСloud). З беларускага боку заснавальнікам СТАА выступіла РУП «Нацыянальны цэнтр абмену трафікам» (51%). Асноўным удзельнікам з боку інвестара выступае адзін з вядомых расійскіх бізнесменаў.
Аператар beCloud разлічваў запусціць 4G-сетку (LTE) у Мінску да канца гэтага года, што будзе адпавядаць інвестыцыйнаму плану.
У маі гэтага года генеральны дырэктар СТАА «Беларускія воблачныя тэхналогіі» Сяргей Паблагуеў паведаміў журналістам, што beСloud абмяркоўвае з удзельнікамі рынку пытанні выкарыстання інфраструктуры пры разгортванні сеткі LTE. «Галоўная ідэя нашага праекта заключаецца ў тым, каб не будаваць тры сеткі. Мы гаворым, што будаваць сетку трэба адзін раз. У выніку і сабекошт паслуг будзе таннейшы», — зазначыў Паблагуеў.
Long Term Evolution (LTE, 4G) — перспектыўнае (чацвёртае) пакаленне мабільнай сувязі, якое характарызуецца высокай хуткасцю перадачы даных і павышанай якасцю галасавой сувязі. Сетка чацвёртага пакалення дазваляе забяспечыць хуткасць перадачы даных у 5—15 разоў вышэйшую, чым 3G. Дзякуючы 4G абанент атрымлівае высокахуткасны інтэрнэт, інавацыйныя мультымедыйныя паслугі, аўдыё- і відэакантэнт самай высокай якасці ў рэжыме рэальнага часу, новы ўзровень інтэрактыўных зносінаў.
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў4
Каментары