Следчым камітэтам праводзяцца працэсуальныя дзеянні па крымінальнай справе аб злачынстве карупцыйнай скіраванасці ў дачыненні да былога міністра гандлю, паведамляецца ў інфармацыі Следчага камітэта.
Дзеянні падазраванага кваліфікаваныя па ч. 3 арт. 426 Крымінальнага кодэкса Рэспублікі Беларусь, у дачыненні да яго ўжытая мера стрымання ў выглядзе заключэння пад варту.
Таксама Следчым камітэтам расследуецца крымінальная справа ў дачыненні да былога намесніка міністра сельскай гаспадаркі і харчавання [Васіля Півавара], заведзеная па матэрыялах праверкі, праведзенай супрацоўнікамі КДБ, адзначаецца ў паведамленні.
Мужчыну прад'яўленае абвінавачванне ў здзяйсненні злачынства, прадугледжанага ч. 3 арт. 424 Крымінальнага кодэкса Рэспублікі Беларусь. У дачыненні да яго ўжытая мера стрымання ў выглядзе заключэння пад варту.
У пятніцу, 18 снежня, «Камсамольская праўда ў Беларусі» паведаміла, што былы міністр гандлю Валянцін Чаканаў затрыманы.
Чаканаў аказаўся адзіным міністрам са старога складу ўрада, якога Лукашэнка ў чацвер не прызначыў на пасаду нанова.
Kp.by са спасылкай на кіраўніка КДБ Валерыя Вакульчыка паведаміла, што справай Чаканава займаецца Следчы камітэт.
Таксама ў пятніцу паведамлялася, што былы намеснік міністра сельскай гаспадаркі Васіль Півавар таксама затрыманы. У пачатку снежня ён быў зняты з пасады намесніка міністра — дырэктара дэпартамента ветэрынарнага і харчовага нагляду. Фармулёўка — «у сувязі са дзяйсненнем учынку, несумяшчальнага са знаходжаннем на дзяржаўнай службе».
Старшыня КДБ дадаў, што Півавар знаходзіцца ў нас, у СІЗА на Валадарскага.
«Самі хутка здохнуць». Фоты з саміта ў Мінску даюць пабачыць Пуціна і Лукашэнку без грыму, а таксама Колю12
Каментары