Кіроўца хаваўся ў падвале ў суседзеў.
Затрыманы міліцыяй кіроўца распавёў, чаму пакінуў загінулую пасажырку на месцы ДТЗ паблізу вёскі Беліца Мінскага раёна. Пра гэта паведамілі ў УДАІ УУС Мінскай вобласці.
«Са слоў самога кіроўцы, пасля здзяйснення ДТЗ ён разам з жонкай і пацярпелай дачкой, не чакаючы прыезду хуткай дапамогі і супрацоўнікаў ДАІ, паехаў на спадарожным аўтамабілі ў медустанову. Загінулая жанчына-пасажыр засталася на месцы аварыі. У бальніцы малалетнюю дзяўчынку з маці шпіталізавалі, а сам кіроўца з'ехаў на таксі дадому. Затым накіраваўся да суседзяў, дзе хаваўся ў склепе ад сваякоў загінулай пасажыркі», — сказалі ва УУС.
Як раней паведамлялася, аварыя адбылася ў ноч з 11 на 12 студзеня. Кіроўца «Опеля» выехаў за межы праезнай часткі і ўдарыўся ў апору лініі электраперадачы. У выніку ДТЗ пенсіянерка з вёскі Бараўляны, якая ехала з ім у машыне, загінула, а дзяўчынка 2010 нараджэння змешчаная ў бальніцу. Сам кіроўца, кінуўшы аўтамабіль, уцёк з месца здарэння. Пра тое, што разам з кіроўцам у машыне яшчэ была яго жонка, не паведамлялася.
Па факце ДТЗ распачатая крымінальная справа па ч.2 арт.317 КК РБ. Па выніках расследавання будзе дадзена канчатковая прававая ацэнка дзеянням мужчыны.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары