Прымусілі прадаўца легчы на падлогу, разбілі шэсць вітрын: у Мінску абрабаваны ювелірны салон ФОТА
Следчы камітэт разбіраецца ў абставінах рабавання салона, размешчанага на вуліцы Сурганава.
Следствам устаноўлена, што 16 студзеня 2016 трое невядомых у масках зайшлі ў гандлёвую залу крамы, прымусілі прадаўца легчы на падлогу, разбілі шэсць вітрын і завалодалі ювелірнымі вырабамі, пасля чаго ўцяклі з месца здарэння.
У цяперашні час следствам высвятляецца дакладны кошт выкрадзенага. Прызначаны шэраг экспертных даследаванняў.
У орган дазнання следствам дадзена даручэнне на правядзенне комплексу аператыўна-вышуковых мерапрыемстваў, накіраваных на ўстанаўленне асобы і месцазнаходжання нападнікаў. Адпрацоўваюцца розныя версіі.
Па факце адкрытага выкрадання маёмасці УСК па г. Мінску распачата крымінальная справа па ч.4 арт.206 Крымінальнага кодэкса Рэспублікі Беларусь.
Каментары