У расійскай Тульскай вобласці маланка забіла трох чалавек, у тым ліку дзіця, і параніла яшчэ чацвярых. Інцыдэнт адбыўся 14 ліпеня ў пансіянаце «Шахцёр» на беразе Акі.
Маланка трапіла ў вільготны пясок побач з ракой. Пасля гэтага токам ударыла некалькі чалавек, якія знаходзіліся паблізу. Аднак тыя, хто быў у сланцах або паспеў адысці на значную адлегласць, засталіся жывыя.
Усе трое загінулых, па папярэдняй інфармацыі, былі на пляжы без абутку.
Гэта 13-гадовы хлопчык, 50-гадовая жанчына і 55-гадовы мужчына, паведамляе выданне «Тула анлайн».
З чатырох пацярпелых двое шпіталізаваныя, адна жанчына знаходзіцца ў цяжкім стане. Яшчэ дваім — мужчыну і падлетку — дапамогу аказалі на месцы.
Разрад быў такой сілы, што грукат чулі ў дамках на тэрыторыі парк-гатэля. Некаторыя адпачывальнікі спачатку падумалі, што гэта выбух.
Каментары