Сурок Філ з горада Панксатоні, штат Пенсільванія, прадказаў раннюю вясну. На штогадовай цырымоніі прадказанні тэрміну заканчэння зімы сурок выпаўз з нары і не ўбачыў свайго ценю.
У адваротным выпадку зіма, згодна з прадказаннем Філа, працягвалася б яшчэ шэсць тыдняў, паведамляе meduza.io
Традыцыя прадказваць надвор'е 2 лютага па паводзінах сурка існуе ў Панксатоні 130 гадоў. Дзякуючы фільму «Дзень сурка» з Білам Мюрэем у галоўнай ролі традыцыя стала вядомая па ўсім свеце.
***
Што да Беларусі, то згодна з календаром, сёння — каталіцкія Грамніцы.
Народныя прыкметы такія: «Як на Грамніцы певень нап’ецца вадзіцы, дык на Юр’я [23 красавіка, ці 6 мая] вол наесца травіцы» (калі сёння адліга, то і вясна будзе ранняй),
«Як на Грымніцы адліга, з ураджаю будзе хвіга» (вясна будзе ранняя, а яна не спрыяе добраму ўраджаю, бо рана высыхае зямля). Сёння ў Мінску было да плюс пяці.
Каментары