Прэзідэнт Калумбіі Хуан Мануэль Сантас выставіў ультыматум паўстанцам з леварадыкальнай групоўкі ФАРК для дасягнення міру ў краіне. Паводле яго слоў, крайні тэрмін для заканчэння перамоўнага працэсу — 23 сакавіка, і працягвацца ён не будзе.
«Час для перамоваў падышоў да канца. Да 23 сакавіка — даты, замацаванай у дамоўленасцях паміж прэзідэнтам рэспублікі і Рэвалюцыйнымі ўзброенымі сіламі Калумбіі, засталося менш за пяць тыдняў», — сказаў Сантас.
У ходзе перамоў, якія працягваюцца з 2012 года, была дасягнутая дамоўленасць аб удзеле паўстанцаў у палітычным працэсе (гэта было адным з галоўных патрабаванняў ФАРК), сумеснай барацьбе з наркабізнэсам і зямельнай рэформе.
Па-ранейшаму застаюцца рознагалоссі з нагоды раззбраення баевікоў, акрамя таго, не вызначаны механізм прызначэння суддзяў спецыяльнага трыбуналу, які павінен расследаваць злачынствы, учыненыя ў перыяд ваеннага канфлікту.
Узброены канфлікт паміж калумбійскімі ўладамі і ФАРК працягваецца больш за 50 гадоў. За гэты час было забіта больш за 220 тысяч чалавек, яшчэ 6 мільёнаў былі вымушаныя пакінуць сваё жыллё. Мірныя перамовы пачаліся ў Гаване ў лістападзе 2012 года.
Цяпер чытаюць
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?1
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары