Авіяносец «Адмірал Кузняцоў» ўлетку 2016 года плануецца адправіць у Міжземнае мора, дзе ён узначаліць пастаянную групоўку ВМФ Расіі ў гэтым рэгіёне. Пра гэта паведамляюць расійскія СМІ са спасылкай на крыніцы ў камандаванні флота.
Цяпер авіяносец знаходзіцца на суднарамонтным заводзе ў Мурманску, дзе праходзіць аднаўленне тэхнічнай гатоўнасці перад далёкім марскім паходам. У прыватнасці, да пачатку лета лёхі авіяносца павінны будуць мадэрнізаваць пад новыя віды авіяцыйных боепрыпасаў.
Расія ад восені 2015 года праводзіць у Сірыі ваенную аперацыю. Масква спрабуе ўратаваць рэжым Башара Асада.
На дадзены момант у Міжземным моры знаходзяцца каля дзесяці расійскіх караблёў.
«Адмірал Кузняцоў» — адзіны ў расійскім флоце авіяносец.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары