Мінгандлю арганізаваў «тэлефон даверу» для паведамленняў аб падпольных СТА
Міністэрства гандлю заклікае ўсіх жадаючых паведамляць па тэлефоне даверу аб нелегальных СТА. Тым больш што якасць паслуг такіх станцый, па водгуках грамадзян, невысокая, адзначаюць у прэс-службе міністэрства.
Званкі аб нелегальных СТА будуць прымаць на тэлефон даверу па нумары 8 (017) 200-92-02. Самі работнікі міністэрства запланавалі з гэтай нагоды свае кантрольныя мерапрыемствы.
Паводле інфармацыі Мінгандлю, у 2015-м па ўсёй краіне было выяўлена больш за тысячу грамадзян, якія нелегальна аказвалі бытавыя паслугі (у тым ліку паслугі аўтасэрвісу) у гаражных кааператывах. Хоць члены кааператываў маглі скарыстацца правам зарэгістравацца ў якасці ІП, а гараж выкарыстоўваць у якасці майстэрні (згодна з указам прэзідэнта ад 2013/09/17 № 432).
Як заяўлялася 4 сакавіка, каля 20% аб'ёму ўсіх бытавых паслуг, што выконваюцца ў краіне, знаходзіцца ў цені. У даляравым эквіваленце гэта складае да 135 мільёнаў. Асноўная доля гэтага абароту прыпадае на нелегальныя СТА.
Каментары