Пасольства Злучаных Штатаў: «Гэты беспрэцэдэнтны і неапраўданы крок беларускіх уладаў прывядзе да сур’ёзных наступстваў».
Як паведамілі БелаПАН у амэрыканскай дыпмісіі, пра гэта было заяўлена часоваму паверанаму з справах ЗША ў Беларусі Джонатану Муру 23 красавіка ў беларускім МЗС.
«Спадар Мур выказаў пратэст адносна гэтага новага патрабаваньня і адзначыў, што гэты беспрэцэдэнтны і неапраўданы крок беларускіх уладаў прывядзе да сур’ёзных наступстваў», — паведамілі ў пасольстве.
Мур таксама запэўніў прадстаўнікоў МЗС Беларусі, што праінфармуе Дзярждэпартамэнт ЗША і прадставіць адказ беларускім уладам у патрабаваны час.
Нагадаем, 7 сакавіка пасьля апублікаваньня тлумачэньняў да санкцый ЗША ў дачыненьні да «Белнафтахіму» з Вашынгтона быў адкліканы пасол Беларусі Міхаіл Хвастоў. 12 сакавіка Мінск па патрабаваньні беларускага боку пакінула пасол ЗША Карэн Сьцюарт. Затым амэрыканскаму боку было рэкамэндавана скараціць колькасьць супрацоўнікаў дыпмісіі. 27 сакавіка Беларусь пакінулі 17 амэрыканскіх дыпляматаў.
31 сакавіка Беларусь прыняла рашэньне аб дадатковым скарачэньні пэрсаналу свайго пасольства ў Вашынгтоне і прапанавала ЗША зрабіць тое ж самае. Як патлумачыў 2 красавіка намеснік міністра замежных спраў Віктар Гайсёнак, Беларусь хоча давесці колькасць сваіх дыпламатаў у ЗША і амэрыканскіх — у Беларусі «да парытэту паводле формулы «адзін плюс шэсць» (адзін пасол і шэсць супрацоўнікаў).
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3737
Каментары